الأضواء - عبدالله عكور :  

يقول صاحب السمو الملكي الأمير خالد الفيصل :

لا والله إلا دبر الوقت يا سعود
….. وما عاد للدنيا عقب رحت قيمة
والخير بالأجواد باقي وموجود
…. مير النساء عن حمل مثلك عقيمة

تفاعلاً مع البيتين السابقين في رثاء فقيد الوطن  الأمير سعود الفيصل عليه رحمة الله  كانت هذه الأبيات :

مجبور ياخالد ترى الصبر محمود
………. والقلب يشتاق لحبيبه ونديمه
ومعذور لو عينك هما دمعها زود
……….. والروح بفراقه عليلة سقيمة
يوم احملوا بكتوفهم شامخ الطود
……. وطافوا على ركن المقام وحطيمه
عز الله إلا الحال لاشك منكود
………… ومفارق الأحباب غصة أليمة
تبكي وكل الشعب يبكي على سعود
……….   ودموعنا هلت كما وبل ديمة
اللي خذا نهجه من الشايب العود
……….. وبظلهم عشنا الحياة الكريمة
الشعب عاش ودنيته سهود ومهود
………… ولا يوم حسينا بضيم وظليمة
رحل وله سمعة كما زاكي العود
……….. وله معزة في المحاني مقيمة
سعود في قلوب المحبين موجود
………. وياكثرهم أهل القلوب السليمة
رغم الألم ما للعطا عنده حدود
…. ورغم الوجع مضرب مثل في العزيمة
ندعي وحنا في محاريبنا سجود
……… للي حمل عنا الهموم الجسيمة
يا سعود حزمك في المهمات مشهود
………. مرحوم يا ركن الصمود ولزيمه
ويا سعود عزمك ماتقف دونه سدود
……… مرحوم يا نجم هبط من سديمه
حنا عزانا فبو فهد منبع الجود
……. وآل السعود أهل الحزم والشكيمة
عزوة هل السنة لنا حصون وسنود
……… وفي نصرة التوحيد همة عظيمة
وحنا لسلمان الحزم درع وجنود
……….. رهن الإشارة للقيادة الحكيمة

….. عبده محمد هزازي …..
…  27 رمضان 1436 .